ബിജെപി പ്രതിഷേധത്തിനിടയിൽ തമ്മിൽത്തല്ല്
കൊല്ലം ബിജെപിയുടെ അക്രമ സമരത്തിനിടയിൽ ചേരിതിരിഞ്ഞു തമ്മിൽത്തല്ലും. ശക്തികുളങ്ങരയിൽ നടന്ന പ്രതിഷേധ പ്രകടനത്തിനിടയിലാണ്‌ പ്രവർത്തകർ തമ്മിലടിച്ചത്. മന്ത്രി കെ ടി ജലീലിനെതിരെ പോർവിളിയുമായി ശക്തികുളങ്ങരയിലെ രണ്ടു മുതിർന്ന ബിജെപി നേതാക്കളുടെ നേതൃത്വത്തിൽ രാമൻകുളങ്ങരയിൽനിന്ന് ആരംഭിച്ച പ്രകടനം കാവനാട്ട്‌ എത്തിയപ്പോൾ ശക്തികുളങ്ങര നോർത്തിൽനിന്ന് പ്രത്യേകം പ്രകടനമായെത്തിയ ബിജെപി സംഘവുമായി ഏറ്റുമുട്ടുകയായിരുന്നു. നോർത്തിൽനിന്ന് എത്തിയ സംഘം മുതിർന്ന നേതാവിന്റെ മുണ്ട് വലിച്ചഴിക്കുകയും മർദിക്കുകയും ചെയ്തു. ശക്തികുളങ്ങര പൊലീസെത്തി ഇരുകൂട്ടരെയും പിരിച്ചുവിടുകയായിരുന്നു. Read on deshabhimani.com