കുളക്കടയില് തെളിനീരൊഴുകും നവകേരളം പദ്ധതിക്കു തുടക്കം
കൊട്ടാരക്കര കുളക്കട പഞ്ചായത്തിൽ തെളിനീരൊഴുകും നവകേരളം പദ്ധതിക്കു തുടക്കമായി. പുത്തൂർ പോപ്പുലർ ഗ്രൗണ്ടിൽ നടന്ന ഇനി ഞാനൊഴുകട്ടെ പരിപാടി ജില്ലാ പഞ്ചായത്ത് വൈസ് പ്രസിഡന്റ് വി സുമാലാൽ ഉദ്ഘാടനംചെയ്തു. പഞ്ചായത്ത് പ്രസിഡന്റ് പി ടി ഇന്ദുകുമാർ അധ്യക്ഷനായി. വൈസ് പ്രസിഡന്റ് കവിത ഗോപകുമാർ സ്വാഗതം പറഞ്ഞു. വികസന സ്ഥിരംസമിതി അധ്യക്ഷൻ കോട്ടയ്ക്കൽ രാജപ്പൻ പദ്ധതി വിശദീകരിച്ചു. ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ എസ് രഞ്ജിത്, എ അജി, പഞ്ചായത്ത് സ്ഥിരം സമിതി അധ്യക്ഷരായ ടി മഞ്ജു, സജി കടുക്കാല, സെക്രട്ടറി സുജിത് കുമാർ എന്നിവർ സംസാരിച്ചു. തുടർന്ന് ശാന്തിയിൽ കണിയാംപൊയ്ക തോട്ടിൽ ജലയാത്ര സംഘടിപ്പിച്ചു. തോടും പുഴയും തെളിച്ച് നീരൊഴുക്ക് സുഗമമാക്കുകയും ജലസ്രോതസ്സ് സംരക്ഷിക്കുകയുമാണ് പദ്ധതിയുടെ ലക്ഷ്യം. Read on deshabhimani.com