കായികതാരങ്ങളുടെ സംഗമത്തിൽ പ്രതിഷേധ ജ്വാല
കൊല്ലം നീതിക്കായി ഡൽഹിയിൽ സമരംചെയ്യുന്ന ഗുസ്‌തിതാരങ്ങൾക്ക്‌ ഐക്യദാർഢ്യവുമായി ജില്ലയിലെ കായികതാരങ്ങൾ ചിന്നക്കടയിൽ ഒത്തുചേർന്നു. ജില്ലാ സ്പോർട്സ് കൗൺസിൽ, വിവിധ കായിക സംഘടനകൾ, കൊല്ലം മാസ്‌, ഒഎൻവി പഠന കേന്ദ്രം എന്നിവ സംയുക്‌തമായി സംഘടിപ്പിച്ച പ്രതിഷേധ സംഗമത്തിൽ തീർത്തത്‌ പ്രതിഷേധജ്വാല. ഞങ്ങൾ സമരംചെയ്യുന്ന കായികതാരങ്ങൾക്കൊപ്പമെന്ന മുദ്രാവാക്യമുയർത്തി. ഓരോ അസോസിയേഷനുകളും പ്രത്യേക ജേഴ്‌സി അണിഞ്ഞ്‌ അവരുടെ കായിക ഇനങ്ങളുടെ ഡെമോയും അവതരിപ്പിച്ചാണ്‌ പ്രതിഷേധത്തിൽ അണിചേർന്നത്‌. യോഗം അന്താരാഷ്‌ട്ര ചെസ്‌ മാസ്‌റ്റർ ജുബിൻ ജിമ്മി ഉദ്‌ഘാടനംചെയ്‌തു. ജില്ലാ സ്പോർട്സ് കൗൺസിൽ പ്രസിഡന്റ് എക്സ് ഏണസ്റ്റ് അധ്യക്ഷനായി. മാസ്‌ സെക്രട്ടറി എ റഷീദ്‌ സ്വാഗതംപറഞ്ഞു. കെ രാമഭദ്രൻ, കരാട്ടെ അസോസിയേഷൻ സംസ്ഥാന പ്രസിഡന്റ് രഘുകുമാർ, കെ രാധാകൃഷ്‌ണൻ, ഗോപകുമാർ, അനിൽ, എ സബീബുള്ള, ഗിരിജ സുന്ദരൻ എന്നിവർ സംസാരിച്ചു. Read on deshabhimani.com