ജീവിതനിലവാരം ഉയർത്താൻ സഹകരണമേഖലയ്ക്ക് കഴിഞ്ഞു: സ്പീക്കർ
പെരുമ്പാവൂർ സമ്പദ്ഘടന മെച്ചപ്പെടുത്താനും ജീവിതനിലവാരം ഉയർത്താനും സഹകരണമേഖലയുടെ ഇടപെടൽ സഹായകമാണെന്നും പ്രതിസന്ധിഘട്ടങ്ങളിൽ സംസ്ഥാനത്തിന് താങ്ങും തണലുമാകാൻ സഹകരണമേഖലയ്ക്ക് കഴിഞ്ഞിട്ടുണ്ടെന്നും നിയമസഭാ സ്പീക്കർ എ എൻ ഷംസീർ പറഞ്ഞു. വെങ്ങോല സഹകരണ ബാങ്കിന്റെ സൂപ്പർ ഗ്രേഡ് പ്രഖ്യാപനവും പോഞ്ഞാശേരി സൂപ്പർമാർക്കറ്റിന്റെ ഉദ്ഘാടനവും നിർവഹിക്കുകയായിരുന്നു അദ്ദേഹം. എൽദോസ് കുന്നപ്പിള്ളി എംഎൽഎ അധ്യക്ഷനായി. പി വി ശ്രീനിജിൻ എംഎൽഎ ആദ്യവിൽപ്പന നടത്തി. കേരള ബാങ്ക് ഡയറക്ടർ പുഷ്പ ദാസ് സഹകരണസന്ദേശം നൽകി. ബ്ലോക്ക് പഞ്ചായത്ത് പ്രസിഡന്റ് കെ എം അൻവർ അലി ഉപഹാരസമർപ്പണവും ജോയിന്റ് രജിസ്ട്രാർ കെ സജീവ് കർത്താ അവാർഡ് ദാനവും നടത്തി. ബാങ്ക് പ്രസിഡന്റ് എം ഐ ബീരാസ്, സർക്കിൾ സഹകരണ യൂണിയൻ ചെയർമാൻ ആർ എം രാമചന്ദ്രൻ, ബാങ്ക് സെക്രട്ടറി സിമി കുര്യൻ, ഷിഹാബ് പള്ളിക്കൽ, സി എം അബ്ദുൽ കരീം, നസീമ റഹിം, ഷംല നാസർ, ബിബിൻ ഷാ യൂസഫ്, എ എം സുബൈർ, ബേസിൽ കുര്യാക്കോസ്, കെ ഇ കുഞ്ഞുമുഹമ്മദ് എന്നിവർ സംസാരിച്ചു. Read on deshabhimani.com