കേന്ദ്രത്തിനെതിരെ പ്രതിഷേധമിരമ്പി
കണ്ണൂർ കേരളത്തിന്‌ അർഹമായ വായ്പപരിധി വെട്ടിക്കുറച്ച കേന്ദ്രസർക്കാരിന്റെ അപ്രഖ്യാപിത സാമ്പത്തിക ഉപരോധത്തിൽ പ്രതിഷേധിച്ച് ഡിവൈഎഫ്ഐ കണ്ണൂർ ഹെഡ് പോസ്റ്റോഫീസിലേക്ക് മാർച്ച് നടത്തി. സാമ്പത്തികമായി സംസ്ഥാനത്തെ ശ്വാസംമുട്ടിച്ച് വികസന പ്രവർത്തനങ്ങളും ജനക്ഷേമ പദ്ധതികളും അട്ടിമറിക്കാനുള്ള കേന്ദ്രസർക്കാർ നീക്കത്തിനെതിരെ മാർച്ചിൽ ശക്തമായ യുവജന പ്രതിഷേധം ഉയർന്നു. വർഗീയ രാഷ്ട്രീയത്തിനെതിരെ നിലകൊള്ളുന്ന കേരളത്തെ തകർക്കാനുള്ള സംഘപരിവാർ ഗൂഢാലോചന വിലപ്പോവില്ലെന്ന യുവതയുടെ താക്കീതായി പ്രതിഷേധം മാറി. ഡിവൈഎഫ്ഐ കേന്ദ്രകമ്മിറ്റി അംഗം എം വിജിൻ എംഎൽഎ ഉദ്ഘാടനം ചെയ്തു. ജില്ലാ പ്രസിഡന്റ്‌ മുഹമ്മദ് അഫ്സൽ അധ്യക്ഷനായി. ജില്ലാ സെക്രട്ടറി സരിൻ ശശി, പി എം അഖിൽ, മുഹമ്മദ് സിറാജ്, പി പി അനിഷ, എം ശ്രീരാമൻ എന്നിവർ സംസാരിച്ചു. Read on deshabhimani.com