അക്രമത്തിലൂടെ ഗതാഗതം സ്തംഭിപ്പിച്ച് യൂത്ത് കോണ്ഗ്രസ് ഉപരോധം
കണ്ണൂർ രാഹുൽ ഗാന്ധിയുടെ വയനാട്ടിലെ ഓഫീസിന് നേരെയുണ്ടായ ആക്രമണത്തിൽ പ്രതിഷേധിച്ച് യൂത്ത് കോൺഗ്രസ് ശനിയാഴ്ച കണ്ണൂർ കാൽടെക്സിൽ ഗാന്ധിസർക്കിളിൽ ഗതാഗതം സ്തംഭിപ്പിച്ച് ദേശീയപാത ഉപരോധിച്ചു. എൽഡിഎഫിന്റെ ഫ്ളക്സ് ബോർഡും തകർത്തു. യൂത്ത് കോൺഗ്രസ് സംസ്ഥാന വൈസ് പ്രസിഡന്റ് റിജിൽ മാക്കുറ്റി, ജില്ലാ പ്രസിഡന്റ് സുദീപ് ജെയിംസ്, കെ എസ് യു ജില്ലാ പ്രസിഡന്റ് മുഹമ്മദ് ഷമ്മാസ് എന്നിവരുടെ നേതൃത്വത്തിലാണ് ദേശീയപാത ഉപരോധിച്ചത്. വലിയ ഗതാഗത കുരുക്ക് അനുഭവപ്പെട്ടതോടെ പ്രവർത്തകരെ അറസ്റ്റ് ചെയ്ത് നീക്കാനെത്തിയ പൊലീസുമായി ഉന്തും തള്ളുമുണ്ടാകുകയും തുടർന്ന് നഗരത്തിൽ വീണ്ടും പ്രതിഷേധ പ്രകടനം നടത്തുകയുമായിരുന്നു. ഇതിനിടയിലാണ് മഹാത്മാ മന്ദിരത്തിന് സമീപം സ്ഥാപിച്ചിരുന്ന എൽഡിഎഫിന്റെ ഫ്ളക്സ് ബോർഡ് യൂത്ത് കോൺഗ്രസുകാർ തകർത്തത്. Read on deshabhimani.com