കാൽപ്പന്തിൽ കുതിക്കാൻ കുട്ടികൾ
കതിരൂർ ഫുട്ബോൾ താരങ്ങളെ വാർത്തെടുക്കാനുള്ള കതിരൂർ ബാങ്ക് എഫ് 13 ഫുട്ബോൾ അക്കാദമി ലക്ഷ്യത്തിലേക്കുള്ള കുതിപ്പിൽ. ഇന്ത്യൻ ഫുട്ബോൾ നായകൻ സുനിൽ ഛേത്രി ഉദ്ഘാടനംചെയ്ത അക്കാദമിയിൽ നാലു ബാച്ചിലായി 150 കുട്ടികളാണ് വിദഗ്ധ പരിശീലനം തേടുന്നത്. കതിരൂർ ഇ എം എസ് സ്റ്റേഡിയത്തിലും പുല്യോട് സി എച്ച് നഗറിലെ മരക്കാന ടർഫിലുമായി മൂന്ന് കോച്ചുമാരാണ് പരിശീലനം നൽകുന്നത്. വിദ്യാർഥികൾക്ക് ഭക്ഷണവും നൽകുന്നു. ഭക്ഷണം എത്തിക്കാൻ കുടുംബശ്രീ പ്രവർത്തകരെയാണ് ചുമതലപ്പെടുത്തിയത്. രക്ഷിതാക്കളുടെയും കുട്ടികളുടെയും യോഗം ഇ എം എസ് സ്റ്റേഡിയത്തിൽ ചേർന്ന് പ്രവർത്തനം വിലയിരുത്തി. ബാങ്ക് പ്രസിഡന്റ് ശ്രീജിത്ത് ചോയൻ അധ്യക്ഷനായി. ഫുട്ബോൾ താരങ്ങളായ സി കെ വിനീത്, എൻ വി പ്രദീപ്, റിനോ ആന്റോ, മുഹമ്മദ്റാഫി, അക്കാദമി പ്രസിഡന്റ് എ വേണു, സെക്രട്ടറി കെ പി ഷിജു എന്നിവർ സംസാരിച്ചു. Read on deshabhimani.com