ലഹരിക്കെതിരെ പോർമുഖം തുറക്കണം: സ്പീക്കർ
ആലപ്പുഴ ലഹരിക്കെതിരെ കലാമത്സരങ്ങളിലൂടെ വിദ്യാർഥികൾ പോർമുഖം തുറക്കണമെന്ന് സ്പീക്കർ എ എൻ ഷംസീർ പറഞ്ഞു. ആലപ്പുഴ ഗവ. ഗേൾസ് ഹയർ സെക്കൻഡറി സ്‌കൂളിൽ റവന്യൂ ജില്ല സ്കൂൾ കലോത്സവം ഉദ്ഘാടനംചെയ്യുകയായിരുന്നു സ്പീക്കർ. മത്സരം കുട്ടികൾ തമ്മിലായിരിക്കണം. അധ്യാപകരും രക്ഷിതാക്കളും തമ്മിലാകരുത്. ആരോഗ്യകരമായിരിക്കണം മത്സരങ്ങൾ. സംസ്ഥാനത്തെ പൊതുവിദ്യാലയങ്ങൾ ആറുവർഷത്തിനിടെ സമാനതകളില്ലാത്ത നേട്ടം കൈവരിച്ചു. അടിസ്ഥാന സൗകര്യവികസനത്തിനൊപ്പം അക്കാദമിക് നിലവാരവും ഉയർത്താനായെന്നും അദ്ദേഹം പറഞ്ഞു. സ്വാഗതസംഘം ചെയർമാൻ എച്ച് സലാം എംഎൽഎ അധ്യക്ഷനായി. Read on deshabhimani.com