വേനൽത്തുമ്പി കലാജാഥ ജില്ലാ ക്യാമ്പ്; സംഘാടകസമിതിയായി
കാർത്തികപ്പള്ളി ബാലസംഘം വേനൽത്തുമ്പി കലാജാഥ ജില്ലാ പരിശീലന ക്യാമ്പ് കാർത്തികപ്പള്ളി ഏരിയയിലെ ആറാട്ടുപുഴയിൽ ഏപ്രിൽ 11 മുതൽ 17 വരെ നടക്കും. സംഘാടകസമിതി രൂപീകരണ യോഗം സിപിഐ എം ആറാട്ടുപുഴ സൗത്ത് ലോക്കൽ കമ്മിറ്റി ഓഫീസിൽ സിപിഐ എം ജില്ലാ സെക്രട്ടറി ആർ നാസർ ഉദ്ഘാടനംചെയ്തു. സ്പിന്നിങ്‌ മിൽ ചെയർമാൻ എ മഹേന്ദ്രൻ മുഖ്യപ്രഭാഷണം നടത്തി. ബാലസംഘം ജില്ലാ സെക്രട്ടറി അഭിരാം അധ്യക്ഷനായി. ജില്ലാ കൺവീനർ എം ശിവപ്രസാദ്, ആറാട്ടുപുഴ പഞ്ചായത്ത് പ്രസിഡന്റ്‌ എൻ സജീവൻ, സിപിഐ എം കാർത്തികപ്പള്ളി ഏരിയ സെക്രട്ടറി വി കെ സഹദേവൻ, ബാലസംഘം സംസ്ഥാന കമ്മിറ്റിയംഗം ശ്രീലേഖ, എൻ ജെ അഭിജിത്ത്, അക്കാദമിക് കൺവീനർ ടി എൻ വിശ്വനാഥൻ, കെ വിജയകുമാർ, ഏരിയ കൺവീനർ ഷൈനി എന്നിവർ സംസാരിച്ചു. Read on deshabhimani.com