ഒപിഎൽ ബ്രദേഴ്‌സിന്‌ നാടിന്റെ കൈയടി
വെഞ്ഞാറമൂട് ഡിവൈഎഫ്‌ഐ നേതാവും യുവജനക്ഷേമ ബോർഡ് മുൻ വൈസ് ചെയർമാനുമായിരുന്ന പി ബിജുവിന്റെ സ്മരണാർഥം സംഘടിപ്പിച്ച ഫ്ലഡ് ലൈറ്റ് ക്രിക്കറ്റ് ടൂർണമെന്റിൽ ഒന്നാംസമ്മാനം ലഭിച്ച തുക ഡിഫാം വിദ്യാർഥിനി ആശയുടെ പഠനത്തിന് സംഭാവന നൽകി മേലാറ്റുമൂഴി ഒപിഎൽ ബ്രദേഴ്സ്. 25,000 രൂപയാണ് നൽകിയത്‌. ആശയുടെ അമ്മ ശാന്തകുമാരി അസുഖം ബാധിച്ച് മരിച്ചു. ഇതോടെ സാമ്പത്തിക ബുദ്ധിമുട്ടിലായി. ഇത് മനസ്സിലാക്കിയാണ് ഒപിഎൽ ബ്രദേഴ്സ് തങ്ങൾക്കു കിട്ടിയ സമ്മാനത്തുക നൽകിയത്‌. വാമനപുരം പഞ്ചായത്ത് പ്രസിഡന്റ്‌ ജി ഒ ശ്രീവിദ്യ തുക ആശയ്ക്കു കൈമാറി. പഞ്ചായത്ത്‌അംഗം എൽ രതീഷ്, പ്രസിഡന്റ്‌ നിജേഷ്, സെക്രട്ടറി അമൽ തുടങ്ങിയവർ പങ്കെടുത്തു. Read on deshabhimani.com