ബിഎസ്എന്‍എല്‍ 4ജി, 5ജി സര്‍വീസ് ഉടന്‍ ആരംഭിക്കണം
മലപ്പുറം ബിഎസ്എൻഎൽ 4ജി, 5ജി സർവീസ് രാജ്യത്ത് ഉടൻ ആരംഭിക്കണമെന്നും ശമ്പള പരിഷ്‌കരണവും പുതിയ പ്രൊമോഷൻ പോളിസിയും നടപ്പാക്കണമെന്നും ബിഎസ്എൻഎൽ എംപ്ലോയീസ് യൂണിയൻ ജില്ലാ സമ്മേളനം ആവശ്യപ്പെട്ടു. എൻജിഒ യൂണിയൻ ഹാളിൽ സിഐടിയു ജില്ലാ പ്രസിഡന്റ് വി ശശികുമാർ ഉദ്ഘാടനംചെയ്തു. ജില്ലാ പ്രസിഡന്റ് എം പി വേലായുധൻ അധ്യക്ഷനായി. ബിഎസ്എൻഎൽ എംപ്ലോയീസ് യൂണിയൻ സംസ്ഥാന സെക്രട്ടറി എം വിജയകുമാർ, അഖിലേന്ത്യാ ഓർഗനൈസിങ് സെക്രട്ടറി പി മനോഹരൻ, എം എൻ മാധവൻ (എഐബിഡിപിഎ), പി ടി ഗോപാലകൃഷ്‌ണൻ എന്നിവർ സംസാരിച്ചു. വി പി അബ്ദുള്ള സ്വാഗതവും എ കെ അനുഷ നന്ദിയും പറഞ്ഞു. ഭാരവാഹികൾ: ടി കെ ഷിനീഷ് (പ്രസിഡന്റ്), കെ എസ് പ്രദീപ് (സെക്രട്ടറി), എൻ ബി സനിൽ (ട്രഷറർ). Read on deshabhimani.com