കെപിസിസി പുനസംഘടനയിൽ ഉമ്മൻചാണ്ടിക്ക് അതൃപ്‌തി; നാളെ സോണിയ ഗാന്ധിയെ കാണും
ന്യൂഡൽഹി > കെപിസിസി പുനസംഘടനയിൽ ഉമ്മൻചാണ്ടി കേന്ദ്ര നേതൃത്വത്തെ അതൃപ്‌തി അറിയിക്കും. നാളെ ഡൽഹിയിൽ സോണിയഗാന്ധിയുമായി കൂടിക്കാഴ്‌ച നടത്തിയേക്കും. ഇനിയുള്ള പുനസംഘടന നിർത്തിവയ്‌ക്കണമെന്ന്‌ ആവശ്യപ്പെടും. സംഘടന തെരെഞ്ഞെടുപ്പ് പ്രഖ്യാപിച്ചിരിക്കെ സംസ്ഥാന കോൺഗ്രസിൽ പുനസംഘടന പാടില്ലെന്നാണ് എ ഐ ഗ്രൂപ്പുകളുടെ നിലപാട്. പുനസംഘടനയുമായി ബന്ധപ്പെട്ട് ഉമ്മൻചാണ്ടിക്ക് പരാതികളുണ്ടെന്ന് കേരളത്തിന്റെ ചുമതലയുള്ള ഐഐസിസി ജനറൽ സെക്രട്ടറി താരിഖ് അൻവർ പറഞ്ഞു. സംഘടന തെരഞ്ഞെടുപ്പ് പ്രഖ്യാപിച്ച ശേഷമുള്ള കെ സുധാകന്റേയും വി ഡി സതീശന്റേയും രീതികളോട് പരസ്യമായി വിമർശനം ഉന്നയിച്ച് രംഗത്തെത്തുകയാണ് ഗ്രൂപ്പ് നേതാക്കൾ. സംഘടന തെരഞ്ഞെടുപ്പ് പ്രഖ്യാപിച്ചിരിക്കെ പുന:സംഘടന വേണ്ടെന്ന എ ഐ ഗ്രൂപ്പുകളുടെ ആവശ്യം നേരത്തെ കെപിസിസി തള്ളിയിരുന്നു. Read on deshabhimani.com