"മതനിരപേക്ഷ വികസിത നവകേരളം അക്ഷരാര്‍ത്ഥത്തില്‍ യാഥാര്‍ത്ഥ്യമാകും'; കോടിയേരി
തിരുവനന്തപുരം > മതനിരപേക്ഷ വികസിത നവകേരളം അക്ഷരാര്‍ത്ഥത്തില്‍ യാഥാര്‍ത്ഥ്യമാകുമെന്ന് സിപിഐ എം സംസ്ഥാന സെക്രട്ടറി കോടിയേരി ബാലകൃഷ്ണന്‍. എകെജി സെന്ററില്‍ ജോസ് കെ മാണിയുമായി കൂടിക്കാഴ്‌ച നടത്തിയ ശേഷം സമൂഹമാധ്യമത്തില്‍ പങ്കുവെച്ച കുറിപ്പിലായിരുന്നു കോടിയേരിയുടെ പ്രസ്‌താവന. ഇടതുപക്ഷം കൂടുതല്‍ ശക്തമാകുമെന്നും അദ്ദേഹം കുറിച്ചു. തദ്ദേശതെരഞ്ഞെടുപ്പിന് മുമ്പ് ഇടതുമുന്നണി പ്രവേശത്തില്‍ തീരുമാനമുണ്ടാകുമെന്നാണ് പ്രതീക്ഷയെന്നായിരുന്നു കൂടിക്കാഴ്‌ചയ്‌ക്ക്‌ ശേഷം ജോസ് കെ മാണി പ്രതികരിച്ചത്. മുന്നണി ധാരണകളെ കുറിച്ച് ഇരുവരും ചര്‍ച്ച ചെയ്‌തതായാണ് വിവരം. പാര്‍ട്ടി എംഎല്‍എ റോഷി അഗസ്റ്റിനൊപ്പമായിരുന്നു ജോസ് കെ മാണി എത്തിയത്. എം എന്‍ സ്‌മാരകത്തിലെത്തി സിപിഐ സംസ്ഥാന സെക്രട്ടറി കാനം രാജേന്ദ്രനുമായും ജോസ് കെ മാണി കൂടിക്കാഴ്‌ച നടത്തിയിരുന്നു. Read on deshabhimani.com