ബാവലി പുഴയില്‍ കുളിക്കാനിറങ്ങിയ അച്ഛനും മകനും മുങ്ങി മരിച്ചു
കേളകം(കണ്ണൂര്‍) > ഇരട്ടത്തോട് ബാവലി പുഴയില്‍ കുളിക്കാനിറങ്ങിയ അച്ഛനും മകനും മുങ്ങി മരിച്ചു. ഒറ്റപ്ലാവിലെ നെടുമറ്റത്തില്‍ ലിജോ ജോസ് (36), മകന്‍ നെവിന്‍ (6) എന്നിവരാണ് മരിച്ചത്. ശനി പകല്‍ 11 ഓടെയാണ് സംഭവം.ഇരിട്ടി എ ജെ ഗോള്‍ഡ് ജീവനക്കാരനാണ് ലിജോ. തലക്കാണി സ്‌കൂള്‍ യുകെജി വിദ്യാര്‍ഥിയാണ് നെവിന്‍. കുവൈറ്റില്‍ ജോലി ചെയ്യുന്ന സ്റ്റെഫീനയാണ് ലിജോ ജോസിന്റെ ഭാര്യ.നാലു വയസുകാരി ശിവാനിയ മകളാണ്. Read on deshabhimani.com