കാസർകോട്‌ ജില്ലയ്‌ക്ക്‌ പ്രത്യേക ആക്ഷൻ പ്ലാൻ; സെൻട്രൽ യൂണിവേഴ്‌സിറ്റിയിൽ കോവിഡ്‌ പരിശോധനയ്‌ക്ക്‌ അനുമതി നൽകി - മുഖ്യമന്ത്രി
തിരുവനന്തപുരം > കൂടുതൽ കോവിഡ്‌ രോഗികളുള്ള കാസർകോട്‌ ജില്ലയിൽ സാഹചര്യം കണക്കിലെടുത്ത്‌ പ്രത്യേക ആക്ഷൻ പ്ലാൻ തയ്യാറാക്കിയതായി മുഖ്യമന്ത്രി പിണറായി വിജയൻ പറഞ്ഞു. ജില്ലയിലെ പഞ്ചായത്ത്‌ തല ഡാറ്റ എടുത്ത്‌ പെട്ടെന്ന്‌ ടെസ്‌റ്റിനയക്കും. ചുമയും പനിയും ഉള്ളവരുടെ ലിസ്റ്റ് എടുത്ത്‌ പ്രത്യേകം പരിശോധിക്കും. സെൻട്രൽ യൂണിവേഴ്‌സിറ്റിയിൽ ടെസ്‌റ്റിങ്ങിനുള്ള അനുമതി ഐസിഎംആറിൽനിന്ന്‌ ലഭിച്ചുകഴിഞ്ഞു. രോഗലക്ഷണം ഉള്ളവരുടെയും അവരുമായി ബന്ധപ്പെട്ടവരുടെയും ലിസ്റ്റ് തയ്യാറാക്കും. 7485 സാമ്പിളുകൾ പരിശോധനക്ക് അയച്ചു. 6381 എണ്ണത്തിൽ രോഗബാധയില്ലെന്ന് ഉറപ്പായി. ലാബുകളിൽ കൂടുതൽ സാമ്പിളുകൾ എടുക്കുന്നു. ടെസ്റ്റിങ്ങിൽ നല്ല പുരോഗതിയുണ്ട്. കൂടുതൽ സാമ്പിളുകൾ ടെസ്റ്റ് ചെയ്ത് റിസൾട്ട് വാങ്ങാനാവുമെന്നും മുഖ്യമന്ത്രി പറഞ്ഞു. Read on deshabhimani.com