രക്ഷപ്പെടുത്താന്‍ പരമാവധി ശ്രമിച്ചു; കൊറോണ കൂടാതെ രക്തസമ്മർദ്ദവും - കെ കെ ശൈലജ
തിരുവനന്തപുരം > കൊറോണ വൈറസ് മൂലം മരണമടഞ്ഞ വ്യക്തിയെ രക്ഷപ്പെടുത്താന്‍ പരമാവധി ശ്രമിച്ചിരുന്നുവെന്നും ഉയര്‍ന്ന രക്തസമ്മര്‍ദവും പ്രായാധിക്യവുമാണ് അദ്ദേഹത്തെ മരണത്തിലേക്ക് നയിച്ചതെന്നും ആരോഗ്യമന്ത്രി ശൈലജ ടീച്ചര്‍. കേരളത്തിൽ കൊറോണ മരണം റിപ്പോര്‍ട്ട് ചെയ്യപ്പെട്ടശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു ആരോഗ്യമന്ത്രി. പ്രായമുള്ളവരില്‍ വൈറസ് ബാധ വരുന്നത് വളരെ അപകടമാണെന്നും കോട്ടയത്ത് രോഗം സ്ഥിരീകരിച്ച 88 വയസും 96 വയസുമുള്ള രണ്ടുപേര്‍ ഇതുവരെ നെഗറ്റീവായിട്ടില്ലെന്നും ആരോഗ്യമന്ത്രി വ്യക്തമാക്കി. ഇവരുടെ കൂടെ അഡ്‌മിറ്റായ പലരും നെഗറ്റീവായപ്പോള്‍ ഇരുവരും ആശുപത്രിയില്‍ തുടരുകയാണ്. Read on deshabhimani.com