ബിജെപി-കോൺഗ്രസ് അനിഷ്ടത്തിൽ 'തെറിച്ച' അനീഷ് അന്താരാഷ്ട്ര അംഗീകാരം നേടിയ ഉദ്യോഗസ്ഥൻ
കൊച്ചി > സംസ്ഥാനത്തെ ബിജെപി--കോൺഗ്രസ് നേതൃത്വത്തിനുണ്ടായ അനിഷ്ടത്തിന്റെ പേരിൽ നാഗ്പുരിലേക്ക് സ്ഥലംമാറ്റിയ അനീഷ് പി രാജൻ ഔദ്യോഗികരംഗത്തെ മികവിന് അവാർഡ് നേടിയ മിടുക്കനായ ഉദ്യോഗസ്ഥൻ. ബ്രസൽസ് ആസ്ഥാനമായ വേൾഡ് കസ്റ്റംസ് ഓർഗനൈസേഷന്റെ സർട്ടിഫിക്കറ്റ് ഓഫ് മെറിറ്റ് അവാർഡ് അനീഷ് രാജന് സമ്മാനിച്ചത് കേന്ദ്രമന്ത്രി അനുരാഗ് സിങ് താക്കൂർ. അന്താരാഷ്ട്ര കസ്റ്റംസ് ദിനമായ ജനുവരി 27ന് ഡൽഹിയിൽ നടന്ന ചടങ്ങിലാണ് അവാർഡ് സമ്മാനിച്ചത്. കസ്റ്റംസിന്റെ വിവിധ സോണുകളിലുള്ള 17 ഉദ്യോഗസ്ഥർക്കാണ് അവാർഡ് ലഭിച്ചത്. അവാർഡിന് അർഹനായ ഏക മലയാളി അനീഷ് രാജനായിരുന്നു. Read on deshabhimani.com