രമാ പ്രസന്ന പിഷാരടിയുടെ കവിതാ സമാഹാരം 'കവിതയില്‍നിന്ന് കൈതൊട്ടുണര്‍ത്തിടാം' പ്രകാശനം ചെയ്തു
തൃശൂര്‍ : രമാ പ്രസന്ന പിഷാരടിയുടെ കവിതാ സമാഹാരം 'കവിതയില്‍നിന്ന് കൈതൊട്ടുണര്‍ത്തിടാം' കേരള സാഹിത്യ അക്കാദമി വൈലോപ്പിള്ളി ഹാളില്‍ ചേര്‍ന്ന ചടങ്ങില്‍ പ്രകാശനം ചെയ്തു. ഡോ. ഇ സന്ധ്യ മലയാളം മിഷന്‍ ഗോവ ചാപ്റ്റര്‍ ചീഫ് കോര്‍ഡിനേറ്റര്‍ രാജേശ്വരി നായര്‍ക്ക് നല്‍കിയാണ് പ്രകാശനം നിര്‍വഹിച്ചത്. അധ്യാപികയും കവയത്രിയുമായ നിഷ നാരായണന്‍ പുസ്തക പരിചയം നിര്‍വഹിച്ചു. കവിതാസമാഹാരത്തിൽ നിന്നുള്ള 'പ്രതിശ്രുതി ' എന്ന കവിത മാലിനി എം ആലപിച്ചു. സാഹിത്യകാരന്‍ കെ വി അഷ്ടമൂര്‍ത്തി മുഖ്യാതിഥിയായിരുന്നു. നാലപ്പാടന്‍ പദ്മനാഭന്‍, സെബാസ്റ്റിൻ ,ഗോപൻ പഴുവിൽ, കെ പി ഹരികൃഷ്ണൻ എന്നിവർ ആശംസകൾ അർപ്പിച്ചു . പ്രകാശന ചടങ്ങിനുശേഷം കവിയരങ്ങ് നടന്നു. സുരേഷ് കുമാര്‍ ജി, സുരേഷ് കുമാര്‍, രാധികാ സനോജ് തുടങ്ങി പ്രമുഖ കവികള്‍ പരിപാടിയില്‍ പങ്കെടുത്തു Read on deshabhimani.com